Филипп Голощекин (1876–1941)
Филипп Голощекин
Дереккөз: Qazaqstan Tarihy
Филипп Исаевич Голощекин (шын аты-жөні Шая Ицикович) 1876 жылы 9 наурызда Ресей империясының Витебск губерниясында дүниеге келген (губерния 1924 жылы жойылған, қазіргі уақытта оның негізгі аумағы - Беларуссияның Витебск облысының, Ресейдің Псков және Смоленск облыстарының, батыс бөлігі Латвияның құрамына кіреді).
1903 жылы ол Ресей социал-демократиялық жұмысшы партиясына (РСДРП) қосылды. Ол 1905-1907 жылдардағы бірінші орыс революциясына қатысты, революциялық қызметі үшін бірнеше рет тұтқындалып, жер аударылды. Екі рет аударылған жерден тұтқынннан қашты.
1917 жылғы Қазан төңкерісіне қатысып, Оралда Кеңес өкіметін орнатуына үлес қосты. 1918 жылы шілдеде Екатеринбургте патша отбасын атуды ұйымдастырушылардың бірі. 1922-1925 жылдары Самара губерниясын басқарды.
1922 жылы Кеңес Одағы құрылғаннан кейін ол Кеңес Одағы Коммунистік партиясының Орталық Комитетінің толық мүшесі және кандидаты болып сайланды (1924-1934), КСРО Халық Комиссарлары Кеңесінің Бас мемлекеттік төрешісі (1933-1939).
1925 жылдан 1933 жылға дейін Бүкілодақтық Коммунистік партияның (БКП(б)) Қазақ облыстық комитетінің хатшысы, жаппай ұжымдастыру кезеңінде (малды, жерді және өндіріс құралдарын қоғамдандыра отырып, ауылда ұжымдық шаруашылықтар құру) болды. 1932-1933 жылдары Қазақстандағы жаппай ашаршылықтың кінәлілерінің бірі болып саналады, соның салдарынан 1,5 миллионға жуық адам қаза тапты.
Ол 1939 жылы 15 қазанда қамауға алынып, екі жылын тергеу изоляторында террористік акт дайындады, ұжымдастыру ісінде билігін шамадан тыс жұмыс жасады деген айыппен өткізді. Голощекин ақыры өзі құрған жүйенің құрбанына айналып, 1941 жылдың қазан айында атылып кетті. 1961 жылы ақталды.
Дереккөздер: