Құрлықаралық кубок
Құрлықаралық кубок - бастапқыда 1960 жылдан 2004 жылға дейін Еуропа мен Оңтүстік Американың басты клубтық турнирлерінің жеңімпаздары арасында өткізілген халықаралық футбол жарысы болатын. Оған Еуропа Чемпиондар Кубогы (кейіннен УЕФА Чемпиондар Лигасы) және КОНМЕБОЛ Либертадорес Кубогы қатысты. 1980 жылға дейін матчтар екі ойындық форматта (үйде және сыртта) өтті. 1980 жылдан бастап — бейтарап аумақта, негізінен Токиода (Жапония) бір матчтық форматта өткізілді.
Құрлықаралық кубок
Дереккөз: Үлкен Рсесей энциклопедиясы
Бұл кубок 1960 жылы Еуропа футбол қауымдастықтары одағының (УЕФА) бастамасымен, Оңтүстік Америка футбол конфедерациясының (КОНМЕБОЛ) қолдауымен әлемдегі ең мықты клубты анықтау мақсатында құрылды. Халықаралық футбол қауымдастықтары федерациясы (ФИФА) мұндай жарысты құру идеясын қолдамады, сондықтан кубоктың өткізілуі УЕФА мен КОНМЕБОЛ-дың қамқорлығымен жүзеге асырылды. Жеңімпаздары әлемнің ең мықты клубтары ретінде танылғандықтан, турнир кейде клубтар арасындағы әлем чемпионаты деп те аталды.
2005 жылы Құрлықаралық кубок ФИФА клубтар арасындағы Әлем чемпионатымен (ФИФА клубтық әлем кубогы) ауыстырылды. 2017 жылы ФИФА Құрлықаралық кубок иегерлерін ресми түрде клубтар арасындағы әлем чемпиондары деп таныды.
2024 жылғы желтоқсаннан бастап, ФИФА клубтар арасындағы әлем чемпионатын қайта ұйымдастырғаннан кейін, Құрлықаралық кубок жаңа форматта қайта жанданды. Енді турнирге барлық алты құрлықтық конфедерациялардың клубтық чемпионаттарының жеңімпаздары қатысады және ол жыл сайын өткізіледі. Бұрынғы форматта тек Еуропа мен Оңтүстік Америка чемпиондары ойнаса, қазір турнирге Азия, Африка, Мұхиттық аралдар, Солтүстік және Орталық Америка, сондай-ақ Оңтүстік Америка мен Еуропа командалары да қатысатын болды.