Мақтааралдағы су тасқыны
Мақтааралдағы су тасқыны, мамыр 2020 ж.
Дереккөз: Капитал
2020 жылғы 1 мамырда Өзбекстанның Сырдария облысындағы Сардоба су қоймасының бөгетінің бір бөлігі шайылып кетуіне және су қоймасындағы деңгейді төмендету үшін судың ағызылуына байланысты Қазақстанның Түркістан облысы Мақтаарал ауданының шекара маңындағы коллекторлары суға толды. Коллекторға келіп түскен судың көлемі секундына 180 текше метрді құрады, ал коллектордың өткізу қабілеті секундына 120 текше метр ғана. Салдарынан Мақтаарал ауданының бірнеше ауылы су астында қалды. Өңірде төтенше жағдай жарияланды.
Су тасқынының салдарынан 1030-дан астам үй, үш мектеп, бес балабақша, төрт медициналық мекеме және Мәдениет үйі су астында қалды. Егістік алқаптарын су басып, ауыл шаруашылығына, соның ішінде мақта алқаптарынаүлкен шығын келді.
Салдарды жою жұмыстарына 986-ға жуық адам, 10 жүзу құралы және 180 бірлік техника жұмылдырылды.
Ауданды қалпына келтіру жұмыстары Қазақстан мен Өзбекстанның қолдауымен жүргізілді. Мемлекет зардап шеккен отбасыларға және аграршыларға өтемақылар бөлді, сондай-ақ тұрғын үй салуға және инфрақұрылымды қалпына келтіруге қаражат бөлді. Су тасқынынан кейінгі үш ай ішінде өңірге салынған инвестицияның жалпы көлемі 30 млрд теңгеге жуықтады.
Зардап шеккендер үшін Мырзакент ауылында жаңа шағын аудан салынды, оған су басқан елді мекендерден 400-ге жуық отбасы қоныс аударды. Онда инженерлік инфрақұрылым, ауыз су, жарық, жылыту, кәріз, жолдар, балабақша, амбулатория, полиция пункті, ойын және спорт алаңдары, парк сияқты барлық қажетті жағдайлар жасалды.
Су басқан елді мекендерден 400-ге жуық отбасы қоныс аударған Мырзакент ауылындағы жаңа шағын аудан
Дереккөз: Informburo.kz
Көмекке мемлекеттік қорлар, кәсіпкерлер мен еріктілер белсене қатысып, гуманитарлық қолдау ұйымдастырылды.
Дереккөздер:
Қазақстан Республикасы Премьер-Министрінің ресми ақпараттық ресурсы