1957 жылғы Мәскеу жастар және студенттер фестивалі
Мәскеу жастар мен студенттер фестивалінің эмблемасы, 1957 ж.
Источник: RG.ru
1957 жылы Дүниежүзілік жастар мен студенттер фестивалі (ВФМС) алғаш рет Кеңес Социалистік Республикалар Одағының (КСРО) аумағында өтті. VI Дүниежүзілік жастар мен студенттер фестивалі Мәскеуде екі апта бойы, атап айтқанда 28 шілдеден 11 тамызға дейін жалғасты. Оған әлемнің 131 елінен 34 мың қатысушы жиналды.
Фестивальге дайындық аясында Мәскеуде жаңа қонақ үй кешендері – «Турист» (1956) және «Украина» (1957) салынды, сондай-ақ Лужникиде (1956; қазір – «Лужники» стадионы) спорт кешені тұрғызылды. VI Дүниежүзілік жастар мен студенттер фестивалінің ашылу және жабылу салтанаттары осы кешенде өтті. Фестиваль қарсаңында КСРО Орталық телевизиясында «Фестивальная» атты жастар редакциясы құрылды.
1957 жылғы Мәскеу фестивалінің ашылу рәсімі
Дереккөз: Immunocap.ru
Мәскеуде Бейбітшілік даңғылы пайда болды. Фестивальдің ашылу күні делегациялар даңғыл бойымен жүріп өтті. Форумға қатысушылар елорданың солтүстік-батысында Достық саябағының іргетасын қалады, ал саябақтан бастау алатын көше 1964 жылы «Фестивальная» деп аталды.
Екі аптаға созылған фестиваль кеңестік деңгейде бұрын-соңды болмаған ашықтық атмосферасымен есте қалды: шетелдік қонақтар кеңестік жастармен еркін сөйлесті, ал олар үшін Мәскеу Кремлі мен Горький саябағы ашылды.
Үнді киноактері Радж Капур фестивальге қатысушылар арасында
Дереккөз: Ведомости
Чилиден келген делегат Сальгадо Асальбсалон фестивальда жинаған төсбелгілерін (значки) көрсетуде
Дереккөз: Ведомости
Фестиваль кезінде Мәскеуде венгриялық «Икарус» автобустары пайда болды. Арнайы осы шараға орай ГАЗ-21 «Волга» автокөлігі және РАФ-10 «Фестиваль» микроавтобусы – «рафик» шығарылды.
Екі апталық фестиваль барысында 800-ден астам түрлі іс-шаралар, соның ішінде спорттық жарыстар, концерттер, халықаралық кездесулер, 30-дан астам елдің жас кинематографистері қатысқан кинофестиваль, сондай-ақ семинарлар мен мәдени бағдарламалар өтті. Фестивальдің ашылуында түрлі елдердің өкілдері, кеңестік спортшылар мен шығармашылық ұжымдар өнер көрсетті.
Фестиваль «батыс» сәнінің кеңінен таралуына, шетелдік бұқаралық мәдениетке деген қызығушылықтың артуына негіз қалады – джинсы, кең етек юбкалар, кеды және рок-н-ролл сәні басталды.
Дереккөз: