Тендер

Тендер — ашық бәсекелестік қағидасына негізделген тауарлар немесе қызметтерді сатып алу тәсілі. Тапсырыс беруші мемлекет немесе жеке компания атынан өнім немесе қызмет алғысы келетінін жариялайды, ал ықтимал орындаушылар өз нұсқаларын ұсынады. Тапсырыс беруші үшін ең тиімді шарттар мен бағаны ұсынған адам тапсырысты орындау үшінкелісімшарт жасасу құқығын алады.

Тендерлер ашық және жабық болып бөлінеді, олар бір немесе бірнеше кезеңнен тұратын сауда-саттық немесе аукцион түрінде өткізілуі мүмкін.

Ашық тендер — бұл тендерлік құжаттамада көрсетілген талаптарды орындай алатын жеке және заңды тұлғалар қатыса алатын сауда-саттық.

Жабық тендерге шақыруды жеке тәртіппен алған компаниялар ғана қатысады. Олар әртүрлі өлшемдер бойынша іріктеледі: компанияның қаржылық нәтижелері, беделі, нарықтағы жағдайы. Жабық тендерге қатысушы үміткерлердің тізімі олардың арасында сөз байласу болмас үшін жария етілмейді.

Өткізу тәсілі бойынша тендерлер екіге бөлінеді:

• Аукцион — ең төмен бағаны ұсынған адам жеңеді. Ашық аукцион өткізу кезінде барлық қатысушылар бір-бірінің ұсыныстарын көреді және бағаны бірнеше рет төмендете алады. Жабық аукционда мұндай мүмкіндік жоқ.
• Конкурс — тапсырыс беруші тек баға бойынша ғана емес, сонымен қатар ұсынылған шарттар бойынша да таңдау жасайды. Мысалы, тапсырысты орындау жылдамдығы. Тендерлер ашықтықты, бәсекелестікті және қаражатты тиімді жұмсауды қамтамасыз ету үшін өткізіледі.

Дереккөздер:

Фирма құпиясы

Бизнес құпиялары