АҚШ Капитолийін басып алу (2021)
2021 жылғы 6 қаңтарда болған оқиға Вашингтондағы АҚШ Капитолийі жанында наразылық митингі ретінде басталып, қарулы қақтығысқа ұласты. АҚШ-тың 45-ші президенті Дональд Трамптың 2020 жылғы президенттік сайлау нәтижелерін жою әрекеттерін қолдаған наразылық білдірушілер тобы Капитолий ғимаратының ішіне басып кіріп, ғимараттың бір бөліктерін бірнеше сағат бойы иеленіп алды.
Бұл шабуыл 1814 жылы ағылшын-американ соғысы кезінде британдықтар шабуыл жасаған сәттен бергі АҚШ конгресінің ғимаратын басып алған алғашқы жағдай болды.
АҚШ Капитолийін басып алу (2021)
Дереккөз: Wikipedia
6 қаңтарда Капитолий ғимаратында орналасқан АҚШ Конгресі президент сайлауындағы дауыс беру нәтижелерін бекіту және Джо Байденнің жеңісін ресми түрде растау үшін арнайы отырыс өткізуі керек болатын. Алайда сол кездегі президент Дональд Трамп сайлау қорытындысын мойындамады, оны Вашингтондағы «Американы құтқару маршына» келген мыңдаған америкалықтар қолдады. Наразылық білдірушілер сайлауды жарамсыз деп тануды талап етіп, Капитолийге жиналды және көп ұзамай оны қоршап алды. Құқық қорғау органдарының қызметкерлерін ығыстырып, митингіге қатысушылар Капитолий ғимаратына басып кіріп, Сенат залын және бірнеше кабинетті иеленді. Заң шығарушылар дауыс беруді аяқтамай, эвакуациялануға мәжбүр болды.
Бірнеше сағаттан кейін наразылық білдірушілер Капитолийден шығарылды және жағдай тұрақталғаннан кейін америкалық заң шығарушылар қайта оралып, сайлаушылардың дауыс беру нәтижелерін бекіту бойынша тыңдауды аяқтады.
Ресми деректерге сәйкес, тәртіпсіздіктер салдарынан кемінде бес адам қаза тапты. Кейіннен 1 мыңға жуық адам Конгресті басып алу әрекетіне байланысты қылмыстар бойынша айыпталды, 460-тан астам адам тәртіпсіздіктерге қатысқанын мойындады.
Дереккөздер: