Лев Ежевский (1930 жылы 2 қыркүйекте туған)
Лев Ежевский
Дереккөз: Tengri News
Лев Рудольфович Ежевский 1930 жылы 2 қыркүйекте Владивостокта (Кеңестік Социалистік Республикалар Одағы, КСРО) жұмысшылар отбасында дүниеге келген. Өмірінің басым бөлігін Днепродзержинскіде (қазір – Каменское, Украина) өткізді.
1961 жылы Киев мемлекеттік дене шынықтыру институтын (қазір – Украинаның Ұлттық дене шынықтыру және спорт университетін) бітірген.
1956-1972 жылдары «Дзержинка» спорт кешенінде грек-рим күресінен бапкер болып жұмыс істеді. 80-нен астам спортшы мен 23 спорт шеберін дайындады. Оның тәрбиеленушілерінің арасында Украина чемпиондары мен Одақ біріншілігінің жүлдегерлері болды.
1958 жылы Днепродзержинск қаласына металлург мамандығын меңгеруге бір топ қазақ жастары келді. Лев Ежевский олардың арасында Нұрсұлтан Назарбаевты байқап, оған еркін күрес секциясына жазылуды ұсынды. 1958-1960 жылдары ол Қазақстанның болашақ Тұңғыш Президентін жаттықтырды.
2017 жылы Тұңғыш Президент күніне арналған «Біздің көшбасшымыз – біздің күшіміз» атты медиа жобасы аясында Лев Ежевский: «Сол жылдары Назарбаев құрдастарының арасында ерекше көрінетін. Нұрсұлтан Әбішұлы істі өз қолына алғанмағанша олардың тобында көшбасшы болған емес. Ол оқушылар арасында білім алушылармен де, училище басшылығымен де мәселелерді шешіп, сөзсіз көшбасшы болды. Ол барлығының алдында үлкен беделге ие болды» - деп еске алды.
1997 жылы Лев Ежевскийге Қазақстан Республикасының еңбек сіңірген бапкері, 2003 жылы Қазақстан Республикасының құрметті спорт қайраткері атағы берілді. 2003 жылы қазақ-украин қарым-қатынасын дамытуға қосқан зор үлесі үшін ол ІІ дәрежелі «Достық» алтын орденімен марапатталды.
Дереккөздер: