Заид ибн Сұлтан Әл Нахайян (1918-2004)
Заид ибн Султан Аль Нахайян
Дереккөз: Википедия
Шейх Заид ибн Сұлтан Әл Нахайян 1918 жылы Әл-Айн қаласында (қазір Біріккен Араб Әмірліктеріндегі халық саны бойынша төртінші қала) шейх Сұлтан ибн Заид Әл Нахайян отбасында дүниеге келді.
1946 жылы Әл-Айнның билеушісі болып, қалада инфрақұрылым мен ауыл шаруашылығын дамытты.
1966 жылы ағасы Шахбутты Абу-Даби әмірін лауазымында ауыстырып, мұнайдан түскен кірістерді әмірлікті дамытуға белсенді жұмсай бастады (әмірлік – мұрагерлік монархиясы және шариат заңдарына негізделген құқықтық жүйесі бар шағын мемлекет, князьдық).
1971 жылдың желтоқсанында 6 князьдықтың әмірлері федерация – Біріккен Араб Әмірліктерін (БАӘ) құрғанын жариялап, оның тұңғыш президенті етіп Абу-Даби билеушісін сайлады. Бұл лауазым федерациядағы ең үлкен және бай әмірлік саналатын Абу-Дабидің орнын, сондай-ақ жаңа мемлекеттің құрылуы мен дамуына Заид ибн Сұлтан Әл Нахайянның қосқан ерекше үлесін атап көрсетті.
Ол БАӘ президенті қызметін 33 жылға жуық атқарды. 2001 жылдың 2 желтоқсанында ол БАӘ президенті болып жетінші бес жылдық мерзімге қайта сайланды. 2004 жылдың 2 қарашасында 86 жасында қайтыс болды.
Шейх Заид Әл Нахайян тарихта кедей әмірліктерді өркениетті ел еткен дана көшбасшы ретінде қалды. Оны «шөлді жасылға айналдырған» адам ретінде еске алады. Оның бастамасымен БАӘ азаматтары үшін тегін ауруханалар, мектептер мен университеттер, сондай-ақ Еуропа, Азия және Африкада қайырымдылық ауруханалары салынды. Жер учаскелері тегін таратылып, мұсылман емес ғибадатханалар салынды, әйелдер бірқатар құқықтарға ие болды. 1992 жылы ол жарғылық капиталы 3 млрд 671 млн дирхамды құрайтын «Заид қорын» құрды, ол мешіттер, мәдени және ғылыми-зерттеу орталықтарын салу сияқты көптеген жобаларды қаржыландыруымен, сондай-ақ табиғи апаттардан зардап шеккендерге көмек көрсетуімен танымал болды.
Шейх Халифа әлемдегі ең бай монархтардың бірі болды. Ол сунниттік ислам дінін ұстанды.
Оның құрметіне 2010 жылы Дубайда (БАӘ) ашылған әлемдегі ең биік ғимарат – «Бурдж Халифа» аталды.
Дереккөздер: