Хосе Каррерас (1946 жылы 5 желтоқсанда туған)
Хосе Каррерас
Дереккөз: РИА Новости
Хосе Каррерас (толық аты - Жозеп Мария Каррерас-и-Коль) 1946 жылы 5 желтоқсанда Барселонада (Испания) дүниеге келген.
Музыкалық қабілеті ерте жасынан көріне бастады. Ол алғаш рет сегіз жасында көпшілік алдында өнер көрсетіп, Испания мемлекеттік радиостанциясында La donna è mobile ариясын орындады. 11 жасында Барселонадағы «Лисеу» опера театрының сахнасында дебюті өтті, онда ол Мануэль де Фальяның «Балаганчик мастера Педро» операсында әңгімешінің партиясын орындады, содан кейін Джакомо Пуччинидің «Богема» операсының екінші актісінде кішігірім рөлді сомдады.
1970 жылы әйгілі опера әншісі Монтсеррат Кабалье басты рөлді сомдған Беллинидің «Норма» операсында ол Флавиор рөлін алғаш орындады (содан бері олар 15-тен аса опералық қойылымдарда серіктес болды). 1971 жылы Италияның Парма қаласында өткен Верди атындағы Халықаралық әншілер байқауында жеңіске жетуі Хосе Каррерасқа әлемнің басты опера театрларының сахналарында өнер көрсету мүмкіндігін әперді.
1987 жылы өнерінің шыңына жеткен шағында әншінің лейкемияға шалдыққаны анықталды, бірақ ол ауруды жеңіп, сахнаға қайта оралды. 1988 жылы ол Барселонада осы аурумен күресетін Халықаралық қор құрды (бүгінде Қордың Женева, Мюнхен және Сиэтлде филиалдары бар).
1990 жылы Хосе Каррерас, Пласидо Доминго және Лучано Павароттидің қатысуымен әлемдік опера өнерінің ең ұлы құбылыстарының бірі - «Тенорлар триосы» құрылды. Трио алғаш рет 1990 жылы 7 шілдеде Римде, футболдан әлем чемпионатының жабылуы салтанатынданда өнер көрсетті, бұл әлемдік футбол біріншіліктерінде трионың өнер көрсету дәстүрінің бастауы болды (1994, 1998 және 2002). Трио 2003 жылға дейін өнер көрсетті, олардың концерттері кезінде теледидар аудиториясы кем дегенде 1,5 миллиард адам құрады.
2009 жылы Хосе Каррерас рөлдерді орындап шығу жоғары физикалық белсенділікті қажет ететіне байланысты опералық карьерасын аяқтайтынын мәлімдеді, ал концерттік қызметін жалғастырды.
Әнші қазақстандық сахнада да өнер көрсетті - 2013 жылдың 14 қарашасында Astana Opera театрында Хосе Каррерастың концерті өтті. Қазақстандағы концерттер 2025 жылдың жазындағы әншінің қоштасу турына енгізілді.
Хосе Каррерас - музыкалық шығармашылығы үшін де, сондай-ақ гуманитарлық қызметі үшін де көптеген ұлттық және халықаралық сыйлықтарды иеленді. Олардың арасында Астурия ханзадасының сыйлығы (1991; Испания), Өнер және әдебиет ордені (Франция), Құрметті легион ордені (кавалер; Франция), «Италия Республикасына сіңірген еңбегі үшін» ордені (кавалер; 1991), Австрия Республикасына сіңірген еңбегі үшін құрмет белгісі (1999), Каталония парламентінің алтын медалі (2014). 1990 жылы ол Американың Грэмми музыкалық сыйлығының лауреаты атанды (Лучано Павароттимен және Пласидо Домингомен бірге).
Әлемнің бірқатар университеттерінің құрметті докторы. Оның құрметіне Испанияда консерватория, бірнеше музыкалық мектеп мен концерт залдары аталған.