Тараздағы оқ-дәрі қоймасындағы жарылыс
Тараз Қазақстан картасында
Дереккөз: Большая российская энциклопедия
2021 жылғы 26 тамызда Қазақстанның Жамбыл облысы Байзақ ауданындағы Тараз қаласының жанында орналасқан 28349 әскери бөлімінің оқ-дәрі қоймаларының бірінде өрт шықты. Нәтижесінде детонация басталып, 10-нан астам жарылыс болды. Жамбыл облысындағы әскери базада инженерлік оқ-дәрілер сақталған. Олардың бір бөлігі 2019 жылы Түркістан облысының Арыс қаласының жанындағы әскери бөлімде болған жарылыстан кейін әкелінген.
Жақын маңдағы елді мекендердің тұрғындары көшірілді. Өртті сөндіруге өрт сөндіру қызметтерінің, Қазақстанның Төтенше жағдайлар министрлігі мен Ішкі істер министрлігінің күштері жұмылдырылды. Аудан аумағында техногендік сипаттағы төтенше жағдай жарияланды.
Өрт пен жарылыстар салдарынан 18 адам қаза тауып, 98 адам зардап шекті. Бірнеше аудан мен әскери бөлімшелерге 25 млрд теңгеге жуық сомаға залал келтірілді.
Ел Президентінің Жарлығымен 2021 жылғы 29 тамыз Қазақстанда Жалпыұлттық аза тұту күні болып жарияланды. Республиканың Қорғаныс министрі отставкаға кетті.
Қазақстан Президенті өртті сөндіру кезінде қаза тапқан құтқарушыларды қайтыс болғаннан кейін ордендермен марапаттады. Елдегі ең жоғары атақ – «Халық Қаһарманы» атағы Жамбыл облысы Төтенше жағдайлар департаменті өрт сөндіру және авариялық-құтқару қызметі бастығының орынбасары полковник Мейіржан Аймановқа қайтыс болғаннан кейін берілді.
Осы қайғылы оқиға бойынша қылмыстық іс қозғалды. 2024 жылдың наурыз айында әскери соттың шешімімен төрт әскери қызметші салғырттық танытқаны үшін кінәлі деп танылып, түрлі мерзімге бас бостандығынан айырылды.
Дереккөздер: