Марат Оспанов (1949–2000)
Марат Оспанов
Дереккөз: Википедия
Марат Тұрдыбекұлы Оспанов 1949 жылы 17 қыркүйекте Ақтөбе қаласында дүниеге келген. 1971 жылы Г. В. Плеханов атындағы Мәскеу халық шаруашылығы институтын (қазіргі Г. В. Плеханов атындағы Ресей экономикалық университеті) бітірген. Қазақ Кеңестік Социалистік Республикасының (ҚазКСР) Мемлекеттік жоспарлау комитетінде (Госплан) жұмыс істеді, Ақтөбе медицина институтында сабақ берді.
1992–1994 жылдары Бас мемлекеттік салық инспекциясының бастығы, Қазақстан Республикасы (ҚР) Қаржы министрінің бірінші орынбасары, ҚР Жоғарғы Кеңесі Төрағасының орынбасары болды. 1995 жылдан бастап ҚР Министрлер Кабинеті жанындағы Шетелдік капиталды пайдалану жөніндегі комитеттің төрағасы қызметін атқарды.
1995 жылғы желтоқсаннан 1999 жылғы желтоқсанға дейін — бірінші шақырылымдағы ҚР Парламенті Мәжілісінің Төрағасы, «Отан» (қазіргі «Аманат») партиясынан екінші шақырылымдағы ҚР Парламенті Мәжілісінің депутаты.
1999 жылғы мамырдан бастап — «Отан» партиясы төрағасының орынбасары. Қазақстанның тұрақты дамуы жөніндегі ұлттық кеңестің мүшесі (1997 жылғы қараша -1998 жылғы тамыз).
1999 жылғы желтоқсаннан бастап ҚР Парламенті Мәжілісінің Қаржы және бюджет комитетінің мүшесі болды.
2000 жылы 23 қаңтарда дүниеден озды.
Ол «Тұрақтандырудан — өрлеуге» атты экономикалық бағдарламаның авторы, Қазақстанның Тәуелсіздігі туралы декларацияны және Қазақстан Республикасының алғашқы Салық кодексін әзірлеуге қатысқан.
Дереккөздер: