Иманғали Тасмағамбетов (1956 туған)
Имангали Тасмагамбетов
Дереккөз: Tengri News
Иманғали Нұрғалиұлы Тасмағамбетов 1956 жылы Қазақстанның Атырау облысы Бақсай ауданында дүниеге келген.
1979 жылы Александр Сергеевич Пушкин атындағы Орал педагогикалық институтының (қазіргі Махамбет Өтемісов атындағы Батыс Қазақстан мемлекеттік университеті) жаратылыстану-география факультетін «география және биология мұғалімі» мамандығы бойынша бітірді.
Еңбек жолын Гурьев облысы Махамбет ауылындағы балалар-жасөспірімдер спорт мектебінде жаттықтырушы болып бастаған (1973). Махамбет орта мектебінде география және биология пәндерінің мұғалімі болып жұмыс істеді.
1979 жылдан 1991 жылға дейін – комсомол (Бүкілодақтық лениндік коммунистік жастар одағы, БЛКЖО - Кеңес Одағы коммунистік партиясының жастар ұйымы) және партия жұмысында. 1989-1991 жылдары - Қазақстан комсомолының басшысы (Қазақстан ЛКЖО Орталық Комитетінің бірінші хатшысы), содан кейін - Қазақстан Республикасы Жастар істері жөніндегі мемлекеттік комитетінің төрағасы (1991-1993).
1993 жылдан бастап Қазақстан Республикасының басқарушы органдарында түрлі лауазымдарда қызмет атқарды. Соның ішінде: Қазақстан Республикасы Президентінің көмекшісі (1993-1995, 1998-1999), премьер-министрдің орынбасары (1995-1997, 2000-2002, 2016-2017), білім және мәдениет министрі (1997), қорғаныс министрі (2014-2016), Мемлекеттік хатшы (2003), Қазақстан Республикасы Президенті Әкімшілігінің басшысы (2004).
2002-2003 жылдары - Қазақстан Республикасының премьер-министрі.
Атырау облысының әкімі (1999-2000), сондай-ақ Алматы қаласының әкімі (2004-2008) және Астана қаласының әкімі (2008-2014) қызметтерін атқарды.
Қызмет атқарған жылдар ішінде ол көптеген жобаларға, соның ішінде
Моңғолияға, Батыс Қазақстанға және Ресей Федерациясының Астрахань облысына халықаралық мәдени экспедицияларға («Каспий: мұнай және мәдениет») және т. б. бастамашылық етті.
Солардың бірі көне түркі монументалды тас жазбасының ескерткіші - Күлтегін көшірмесін Моңғолиядан Қазақстанға қайтару болды (2000). Қазақстан Республикасының ЮНЕСКО істері жөніндегі ұлттық комиссиясының төрағасы болып табылады.
2014 жылы ЮНЕСКО-ның ( Біріккен Ұлттар Ұйымының білім, ғылым және мәдениет жөніндегі мамандандырылған мекемесі) Ұлы Жібек жолының (ежелгі және орта ғасырларда Шығыс Азияны Жерорта теңізімен байланыстырған керуен жолы) мұрасын сақтағаны үшін «Жібек жолы» медалімен марапатталған.
2017 жылы Қазақстан Республикасының Ресей Федерациясындағы Төтенше және Өкілетті Елшісі болып тағайындалды. 2019 жылы Қазақстан Республикасы Президентінің Жарлығымен жасына байланысты зейнетке шықты.
2023 жылы белсенді қызметке қайта оралды, Қазақстан, Ресей, Қырғызстан, Беларусь, Армения және Тәжікстан кіретін Ұжымдық қауіпсіздік туралы шарт Ұйымының (ҰҚШҰ) Бас хатшысы болып тағайындалды.
Дереккөздер: