Махмұд Қасымбеков (1952 жылы туған)
Махмұд Қасымбеков
Дереккөз: Nur.kz
Махмұд Базарқұлұлы Қасымбеков 1952 жылы 2 тамызда Жамбыл облысы, Шу ауылында дүниеге келген. Абай атындағы Қазақ педагогикалық институтын (қазіргі Абай атындағы Қазақ ұлттық педагогикалық университеті), Алматы халық шаруашылығы институтын (2016 жылдан - Нархоз Университеті, жеке жоо) және Алматы жоғары партия мектебін бітірген. Саясаттану ғылымдарының докторы, профессор.
1976-1990 жылдары – комсомол және партия жұмыстарында: коммунистік жастар одағының (БЛКЖО) Алматы қалалық, одан кейін - облыстық комитетінің хатшысы, Қазақстан БЛКЖО Орталық комитетінің бөлім меңгерушісі, Алматы облыстық компартия комитетінің нұсқаушысы, Қазақстан компартиясы Орталық комитетінің сектор меңгерушісі.
1990 жылдан бастап Қазақстан Президенті Аппаратының (Әкімшілігінің) жалпы бөлімін (кейінірек – кеңсесін) басқарды.
2013-2019 жылдары «Назарбаев орталығы» және «Қазақстан Республикасы Тұңғыш Президенті кітапханасы» басшысының міндеттерін қоса атқарған.
2019 жылдан 2023 жылға дейін Қазақстан Республикасының Тұңғыш Президенті Кеңсесінің Басшысы болды.
Бірнеше кітаптың, соның ішінде «Қазақстан Республикасында президенттік институттың қалыптасуы», «Көшбасшы және тәуелсіздік» және «Президенттік институты саяси модернизация құралы ретінде» кітаптарының авторы және бірлескен авторы.
Махмұд Қасымбековтың «Көшбасшы және тәуелсіздік» кітабы
Дереккөз: Литературный портал
Қазақстанның ордендерімен, медальдарымен және құрмет грамоталарымен марапатталған, Алматы облысының құрметті азаматы.
Дереккөздер: