Қуаныш Омашев (1944ж. туған)
Қуаныш Омашев
Дереккөз: EKaraganda.kz - Караганда онлайн
Қуаныш Омашұлы Омашев 1944 жылы Қарағанды облысының Ағадыр кентінде дүниеге келген. 1958 жылы мектепті бітіргеннен кейін сол кездегі Кеңестік Социалистік Республикалар Одағының (КСРО) ірі металлургиялық кәсіпорындарының бірі – Теміртау қаласындағы металлургия комбинатында жұмыс істеді.
1962 жылы Қарағанды политехникалық институтына (қазіргі – Қарағанды мемлекеттік техникалық университеті) оқуға түскен. Қазақстан Республикасының болашақ Тұңғыш Президенті Нұрсұлтан Назарбаевпен бір топта оқыған.
Оқудан кейін металлургия комбинатында слесарь-жөндеуші болып жұмыс істеген. Еңбек жолында қарапайым токарь шәкіртінен цех бастығына дейін өскен. Металлургия комбинатында 2008 жылға дейін қызмет атқарған.
Металлургиялық қалдықтарды өңдеумен айналысатын «Сигма-Теміртау» ЖШС басқарды.
«Құрмет» және «Парасат» ордендерімен марапатталған. Теміртау қаласының және Қарағанды облысы Шет ауданының Құрметті азаматы, белсенді қоғам қайраткері.
Қуаныш Омашев өзінің еңбек жолының қалай басталғанын және Қазақстанның болашақ Тұңғыш Президенті Нұрсұлтан Назарбаевтың ондағы рөлін былай еске алады: Ол сені тыңдап, кеңес бере алатын. 60-шы жылдардың басында Теміртаудан кетіп, металлургия комбинатында жұмыс істегім келмегені есімде. Жұмыс ауыр. Ол өзінің жоспарларын айтып, мені тыңдаған соң: «Қуаныш, металлургия – бұл нағыз ердің жұмысы. Сіз де кетесіз, мен де кетемін, бәрі де кетеді. Сонда біздің орнымызда кім жұмыс істейді, қазақстандық Магнитканы, біздің мақтанышымызды кім көтереді деді». Бұл сөздер есімде қалып, оны өмір бойы жадымда ұстап жүрдім».
Дереккөздер: