Биғали Тұрарбеков (1950–2006)
Биғали Тұрарбеков
Дереккөз: CentrAsia
Биғали Шәріпқалиұлы Тұрарбеков 1950 жылы 16 ақпанда Қазақ Кеңестік Социалистік Республикасының Алматы облысының Сарқан ауданында (қазіргі -Қазақстан Республикасының Жетісу облысының Сарқан ауданы) дүниеге келген.
Жамбыл гидромелиоративтік институтын (Қазіргі - Мұхаммеад Дулати атындағы Тараз өңірлік университеті) бітіріп, техникалық білім алды, содан кейін бөлу бойынша Шардара бөгетінің құрылысында жұмыс істеді, онда құрылыстың бас инженеріне дейін көтерілді.
Кейін Мәскеуде екінші жоғары білім алғаннан кейін Бигали Тұрарбеков Қазақстанның Сыртқы істер министрлігіне (СІМ) Мемлекеттік қызметке шақырылды. 1990 жылдардың басында Консулдық бөлімді басқарып, Қазақстан СІМ алқасының бірінші құрамының мүшесі болды. Оның дипломатиялық мансабы ел тәуелсіздігінің қалыптасу кезеңіне сәйкес келген еді, ол Сыртқы Істер Министрлігінің консулдық қызметін құруда шешуші рөл атқарды, кейіннен оның қызметіне негіз болған нормативтік базаны әзірлеуге қатысты.
1990 жылдардың басында ол Қытайдағы алғашқы Қазақстандық елшіліктің құрамында саяси мәселелер жөніндегі кеңесші ретінде жұмыс істеді.
1994 жылдан 1997 жылға дейін Қазақстан Президенті жанындағы Қауіпсіздік Кеңесінің аппаратында қызмет атқарды.
1997 жылы Қазақстан СІМ-не жұмысқа оралды және Ерекше тапсырмалар бойынша елші лауазымын алды. Мемлекеттік шекараны делимитациялау және демаркациялау мәселелерімен айналысты, 1999 жылдан 2005 жылға дейін Ресеймен, Қытаймен, Түркіменстанмен, Өзбекстанмен және Қырғызстанмен шекаралық мәселелер бойынша барлық келіссөздерге қатысты.
2005 жылы Шанхай Ынтымақтастық Ұйымының Аймақтық терроризмге қарсы орталығының атқару комитетінде Қазақстан СІМ кеңесшісі болып тағайындалды.
«Қазақстан Республикасының Тәуелсіздігіне 10 жыл», «Астана» және «Ерен еңбегі үшін» мемлекеттік медальдарымен марапатталған.
«Қазақстан Республикасының Мемлекеттік шекарасы туралы шындық» кітабының бірлескен авторы.
2006 жылы 9 желтоқсанда қайтыс болды.
Дереккөздер: