Сағат Түгелбаев (1948 жылы туған)
Сағат Түгелбаев
Дереккөз: Википедия
Сағат Қашкенұлы Түгелбаев 1948 жылы 25 ақпанда Қазақ Кеңестік Социалистік Республикасының Гурьев қаласында (Қазіргі - Қазақстан Республикасының Атырау қаласы) дүниеге келген.
1967 жылы Гурьев политехникалық техникумын, ал 1974 жылы Владимир Ленин атындағы Қазақ политехникалық институтын (қазіргі - Қаныш Сәтбаев атындағы Қазақ ұлттық техникалық зерттеу университеті) инженер-механик мамандығы бойынша бітірген.
Кәсіби қызметін 1963 жылы жұмысшы мамандықтарынан бастады-бұрғылаушының көмекшісі, слесарь және механик болып жұмыс істеді. 1968 жылы «Ембімұнай» бірлестігіне ауысып, техник қызметін атқарды.
1974 жылы жоғары білім алғаннан кейін ол Гурьев политехникалық техникумында біраз уақыт оқытушы болып еңбек етті, сонымен қатар партия органдарында мансабы да басталып кетті – Коммунистік партияның облыстық комитеті бірінші хатшысының көмекшісі лауазымында болды.
1982 жылы Петровский атындағы машина жасау зауытының (қазіргі -«АтырауНефтемаш) директоры болып бекітілді.
Сонымен қатар партия органдарында жұмысын жалғастырды, 1984 жылдан облыстық партия комитетінің бөлім меңгерушісі, Ембі аудандық партия комитетінің бірінші хатшысы болып тағайындалды.
1986-1990 жылдары Теңіз газ өңдеу зауыты директорының орынбасары және «Теңізмұнайгаз» бірлестігі басқарма бастығының орынбасары қызметтерін атқарды.
1990 жылы - Қазақстан Жоғарғы Кеңесінің депутаты және экономикалық реформа, қаржы және бюджет жөніндегі төрағаның орынбасары (1990-1992).
1992 жылдан 1994 жылға дейін - Қазақстан Республикасы Атырау облыстық әкімшілігінің бірінші басшысы.
1994 жылдың қазан айынан бастап мұнай бизнесімен айналысады. 1994 жылы Қырықмылдық кен орнында мұнай өндірумен айналысатын ANACO компаниясын құрды; швейцариялық first Montana Capital AG арқылы көпшілік акционер болып табылады.
Мұнай-газ саласы үшін жабдықтар өндіретін және қызметтер көрсететін «Атырау мұнай-газ компаниясы» компаниясын, Premium ANACO трейдингтік компаниясын және «Белкамит» инжинирингтік компаниясын бақылайды. «ҚазЭйр Вест» әуекомпаниясында, «Атырау Унигаз» және «Газэнерго» компанияларында үлестері бар.
2015 жылы Корея Республикасының Атырау қаласындағы Құрметті консулы болып тағайындалды.
Атырау облысының Құрметті азаматы.
Дереккөздер: