Александр Сидорович (1942 жылы туған)
Александр Сидорович
Дереккөз: М. В. Ломоносов атындағы ММУ Қазақстандық филиалының сайты
Александр Владимирович Сидорович 1942 жылы 1 қыркүйекте Беларусь КСР (Қазіргі Беларусь Республикасы) Брест қаласында дүниеге келген.
1970 жылы Михаил Васильевич Ломоносов атындағы Мәскеу мемлекеттік университетінің (ММУ) экономика факультетін бітірді, содан кейін өзінің кәсіби қызметін университетпен байланыстырды.
Экономика ғылымдарының докторы (1986), профессор (1990), 2006 жылы еңбек сіңірген профессор атағын алды. 2025 жылы Мәскеу университетінің құрметті профессоры атағы берілді.
1996 жылдан 2006 жылға дейін ММУ халықаралық ынтымақтастық жөніндегі проректоры қызметін атқарды.
2001 жылдан бастап - ММУ Қазақстандық филиалының директоры.
1998 жылдан бастап Еуразиялық университеттер қауымдастығының бас хатшысы, атқару комитетінің төрағасы (Еуразиялық кеңістіктің жүзден астам университеттерін біріктіреді).
Ғылыми қызметінің негізгі бағыттары: экономикалық теорияның әдістанулық проблемалары, экономикалық жүйелерді талдау, ұлттық экономиканың теориясы мен практикасы, қоғамдық ұдайы өндіру теориясы, ТМД елдері арасындағы экономикалық қатынастар, өтпелі кезең экономикасы.
ММУ факультеттерінде және ММУ Қазақстандық филиалында студенттерге, магистранттарға дәріс курстарын оқиды. 200-ден астам ғылыми жұмыстардың, оның ішінде экономикалық теория бойынша бірқатар монографиялардың, оқу және оқу-әдістемелік құралдардың авторы. Александр Сидоровичтің ғылыми және ұйымдастырушылық басшылығымен экономикалық теория және басқа да экономикалық пәндер бойынша бірқатар оқулықтар мен оқу-әдістемелік құралдар басып шығарылды. Ресей Білім Министрлігінің Ғылыми-әдістемелік кеңестерінің жұмысына бірнеше рет қатысты.
Бірнеше марапаттар мен атақтарға ие, оның ішінде 2011 жылы Қазақстан Республикасы Президентінің Жарлығымен «Достық» орденімен, ал 2022 жылы Қазақстан Республикасы Президентінің Жарлығымен «Парасат» орденімен марапатталған. Қазақстан Республикасының Білім беру ісінің құрметті қызметкері және Ресей Федерациясының Білім беру саласының құрметті қызметкері болып табылады.
Дереккөздер:
М. В. Ломоносов атындағы ММУ Қазақстандық филиалының сайты