Наталья Коржова (1958 ж.т.)
Наталья Коржова
Дереккөз: Online.zakon.kz
Наталья Артёмовна Коржова 1958 жылы 8 сәуірде Қазақ КСР-і Талдықорған облысының Сарқант қаласында (қазіргі Қазақстан Республикасы Жетісу облысының Сарқант қаласы) дүниеге келген.
Еңбек жолын 1975 жылы темекі комбинатында бастаған. 1979 жылы Алматы халық шаруашылығы институтын (қазіргі «Нархоз» университеті) «қаржы және несие» мамандығы бойынша бітіріп, экономист біліктілігін алады. Кейіннен диссертация қорғап, экономика ғылымдарының докторы атанады.
1979 жылдан бастап Қазақ КСР Қаржы министрлігінің орталық аппаратында жұмыс істеп, экономист, жетекші және бас маман, бөлім бастығы және басқарма басшысы қызметтерін бірінен соң бірін атқарды.
- 1996–1999 жылдары — ҚР Еңбек және халықты әлеуметтік қорғау министрі.
- 1999–2005 жылдары — Қазақстан Республикасының Қаржы вице-министрі, кейіннен Экономика және бюджеттік жоспарлау вице-министрі, бірінші вице-министрі.
- 2006–2007 жылдары — Қазақстан Үкіметінің Қаржы министрі.
- 2008–2017 жылдары — ҚР Қаржы министрлігінің жауапты хатшысы.
Үкіметтегі қызметін аяқтағаннан кейін, 2017 жылы Қазақстан Республикасы Қаржы министрлігінің Қаржы академиясын басқарды. Сондай-ақ ол - Еуразиялық экономикалық одақтың Желілік қаржы институтының жетекшісі.
«Құрмет» (2001), «Парасат» (2009), ІІІ дәрежелі «Барыс» (2016) ордендерімен марапатталған, бірқатар ғылыми жарияланымдардың авторы.
Дереккөздер: