Әсет Исекешев (1971 жылы туған)
Әсет Исекешев
Дереккөз: Казахстанская правда
Әсет Өрентайұлы Исекешев 1971 жылы 17 тамызда Қарағандыда (Қазақ КСР, Қазіргі Қазақстан Республикасы) дүниеге келген. Орал қаласының № 5 арнайы кәсіптік-техникалық училищесінде слесарь-жинаушы мамандығын алды, содан кейін әл‑Фараби атындағы Қазақ ұлттық университетінің заң факультетін «құқықтану» мамандығы бойынша және Қазақстан Республикасы Президентінің жанындағы Мемлекеттік басқару жоғары мектебін (қазіргі мемлекеттік қызмет академиясы) бітірді.
Мансабының басында Алматы прокуратура органдарында, Стратегиялық жоспарлау және реформалар агенттігінде, Әділет министрлігінде жұмыс істеді, нормативтік құқықтық актілерді тіркеу және сараптау мәселелерімен, сондай-ақ корпоративтік сектормен және консалтингпен айналысты.
2003 жылдан бастап Үкіметтің экономикалық блогында басшылық қызметтер атқарды: индустрия және сауда вице-министрі, «Қазына» орнықты даму Қоры Басқарма төрағасының орынбасары, Президенттің экономикалық мәселелер жөніндегі көмекшісі.
2009-2016 жылдары Индустрия және сауда министрі, Премьер – Министрдің орынбасары - индустрия және жаңа технологиялар министрі, инвестициялар және даму министрі, бір мезгілде инвестициялық омбудсмен қызметтерін атқарды. Бұл лауазымдарда Қазақстан экономикасын жаңғырту мен әртараптандыруда елеулі рөл атқара отырып, үдемелі индустриялық‑инновациялық даму бағдарламаларын іске асыруға, индустриялық жобаларды іске қосуға және сүйемелдеуге, инвестициялар тартуға және іскерлік ахуалды жақсартуға жетекшілік етті.
Кейінгі жылдары Астана әкімі, Президент Әкімшілігінің басшысы, Тұңғыш Президент қорының атқарушы директоры, Президенттің көмекшісі – Қауіпсіздік Кеңесінің хатшысы.
2024 жылдан бастап Әсет Исекешев QAZTECH технологиялық компаниялар Альянсының Жоғары Кеңесінің төрағасы болып табылады, онда технологиялық секторды стратегиялық дамытумен және жаңа технологиялық құрылымды индустрияландыру күн тәртібін ілгерілетумен айналысады.
Дереккөздер:
Қазақстан Республикасы Премьер-Министрінің ресми ақпараттық ресурсы