«Балапан» телеарнасы
«Балапан» телеарнасының логотипі
Дереккөз: «Энциклопедия телеистории» сайты
«Балапан» телеарнасы — Қазақстан тарихындағы жас телекөрермендер мен олардың ата-аналарына арналған қазақ тіліндегі тұңғыш балалар арнасы. Ол хабарын 2010 жылғы 27 қыркүйекте тарата бастады және Қазақстан Республикасының Тұңғыш Президенті Нұрсұлтан Назарбаевтың тапсырмасымен құрылды.
Телеарнаның мақсаты — балаларға рухани және интеллектуалдық тәрбие беру, ғылым мен білімге деген қызығушылығын ояту, келешек ұрпақтың бойына мәдениеттілік, даналық, еңбекқорлық пен ізгі қасиеттерді сіңіру.
Арна 0-ден 12 жасқа дейінгі балалар аудиториясына арналған. Телеарна танымдық, спорттық, ойын-сауық, анимациялық және интеллектуалдық бағдарламаларды көрсетеді.
2017 жылдың қыркүйегінен бастап арнаның атауы латын әліпбиімен жазыла бастады.
Дереккөздер: