Днепродзержинск техникалық училищесі
Каменское жоғары кәсіптік училищесінің ғимараты
Дереккөз: sobitie.com.ua
№ 8 Днепродзержинск техникалық училищесі — Украина Кеңестік Социалистік Республикасы, Днепропетровск облысы, Днепродзержинск қаласындағы (қазіргі Украина, Днепропетровск облысы, Каменское қаласы) металлургия және машина жасау өнеркәсібі үшін жұмысшы кадрларын даярлау жүйесіне кіретін кәсіптік-техникалық оқу орны. Оқу орнының тарихы 1925 жылдан бастау алады, сол кезде Каменскоедағы металлургия зауыты жанынан фабрика-зауыттық оқыту мектебі (ФЗОМ) құрылған болатын. Сабақтар 1925 жылдың қарашасында басталып, 1928 жылы училищені алғашқы түлектері бітіріп шықты.
Оқу орны 1940 жылы қаланың өнеркәсіп кәсіпорындары үшін білікті жұмысшыларды даярлай отырып, «№ 1 қолөнер училищесі» деген атаумен Еңбек резервтері халық комиссариатының жүйесіне енгізілді. 1955 жылы № 1 қолөнер училищесі № 8 техникалық училище болып қайта құрылды, бұл кәсіптік білім беру құрылымының өзгеруін және оқытылатын техникалық мамандықтар аясының кеңейгенін көрсетті. 1963 жылы оқу базасында металлургия, машина жасау және ауыр өнеркәсіптің басқа да салалары үшін кадрлар даярлау профилін сақтап қалған № 22 кәсіптік-техникалық училищес құрылды.
2003 жылы мекеме «Днепродзержинск жоғары кәсіптік училищесі» атауын алды. Днепродзержинск қаласының атауы Каменское болып өзгертілгеннен кейін, ресми қолданыста қазіргі атауы Каменское жоғары кәсіптік училищесі (Кам’янське вище професійне училище) болып бекітілді. Оқу орны әлі күнге дейін кәсіптік білім беру орталығы ретінде жұмысын жалғастыруда.
1958-1960 жылдары училищеде ҚР Тұңғыш Президенті Н. Ә. Назарбаев білім алып, металлург мамандығын меңгерген. Бұл дерек оқу орны тарихында ерекше орын алады. 2005 жылы Днепродзержинск жоғары кәсіптік училищесінің 80 жылдығын мерекелеу кезінде училищенің қасбетінде (фасадында) «Металлургия кадрларының ұстаханасы» атты сәулет-көркемдік композицияның ашылуы өтіп, Нұрсұлтан Назарбаевтың қоладан жасалған мүсіні (бюсті) салтанатты түрде ашылды.
Каменское жоғары кәсіптік училищесінің қасбетіндегі «Металлургия кадрларының ұстаханасы» сәулеттік-көркемдік композициясы және Нұрсұлтан Назарбаевтың қола бюсті
Дереккөз: exclusive.kz
Дереккөздер: