Бигелді Ғабдуллин (1955 жылы туған)
Бигелдіы Ғабдуллин
Дереккөз: Sputnik
Бигельді Қайырдосұлы Ғабдуллин 1955 жылғы 31 шілдеде Қазақ КСР-і Ақмола облысы Макин ауданының Красный Кордон ауылында (қазіргі Ақмола облысының Бұланды ауданы) дүниеге келген. С. Киров атындағы Қазақ мемлекеттік университетінде (қазіргі әл-Фараби атындағы Қазақ ұлттық университеті) және Мәскеудегі А.М. Горький атындағы Әдебиет институтында (1991) білім алған.
Еңбек жолын «Целиноградсельмаш» зауытында токарь шәкірті болып бастаған (кәсіпорын 2006 жылы таратылды), Кеңес әскері қатарында қызмет еткен. Университеттен кейін «Ленинская смена» және «Казахстанская правда» газеттерінде тілші болып жұмыс істейді, 1985–1989 жылдары Қазақстан Жазушылар одағының насихат бюросы директорының орынбасары болады. 1991–1992 жылдары «Жібек жолы» халықаралық қоры бас директорының орынбасары қызметін атқарған.
1992–1993 жылдары — «ТАН» телекомпаниясының бас редакторы. «Новое поколение» (1993–1997) және «XXI век» (1997–2000) газеттерінің негізін қалаушы әрі бас редакторы болды.
2001 жылдан 2004 жылға дейін АҚШ-та тұрып, Вашингтонда «Азаттық» радиосының тілшісі болып жұмыс істеген.
2004 жылғы желтоқсаннан бастап — «Central Asia Monitor» өңіраралық газетінің бас редакторы және баспагері, «Время» газетінің бас редакторы және «Издательство «Время» ЖШС директоры (2006), «Астана» телеарнасындағы «Серьезный разговор», «За и против» бағдарламаларының жүргізушісі (2006) болды. 2011 жылы Қазақстанның үздік бас редакторы деп танылды.
2013 жылы «Радиоточка» мультимедиялық порталының негізін қалады, Халықаралық ПЕН-клубтың қазақстандық бөлімшесінің президенті болып сайланды.
Қазақ халқының XV ғасырдың ортасындағы Керей мен Жәнібек есімдерімен байланысты кезеңнен бастап, елдің Тұңғыш Президенті Нұрсұлтан Назарбаевпен байланысты жаңа тарихына дейінгі алты ғасырлық шежіресін танымал тарихи тұлғалардың тағдыры арқылы баяндайтын «Ұлы көш» (Великое кочевье) тарихи эсселер кітабының авторы. Кітап Нұрсұлтан Назарбаевтың «Лайықты болашақты армандай отырып, лайықты өткенімізді ұмытпайық» деген сөздерін эпиграф ретінде алған.
Дереккөздер: