The Economist журналы
The Economist журналының логотипі
Дереккөз: Economist.com
The Economist журналы — 1843 жылы шотландиялық кәсіпкер әрі журналист Джеймс Уилсон негізін қалаған, ақпараттық бағыттағы британдық ағылшын тілді апталық басылым (басылымның өзі өзін газет деп атайды). Негізін қалаушы журналист еркін сауда идеясын насихаттауды мақсат еткен. Басылым саяси, экономикалық және іскерлік жаңалықтарды, халықаралық қатынастарды, сондай-ақ ғылым мен мәдениет салаларын қамтиды. Ол британдық The Economist Group медиакомпаниясына тиесілі.
Басылымның басты ерекшелігі — авторлардың толықтай анонимділігі. Мақалаларға қол қойылмайды, өйткені олар журналистің жеке пікірін емес, редакцияның ортақ ұстанымын білдіреді. Бұл материалдарға ұжымдық пікірдің салмағын беріп, баяндаудың танымал, қатаң әрі талдамалы стилін қалыптастырады.
The Economist нөмірлері жұма күндері жарық көреді. Жаңа материалдар сайтта жаңа нөмір шығар алдында, бейсенбі күні кешке жарияланады. Журнал сонымен қатар алдағы жылға арналған жыл сайынғы болжамды, сондай-ақ Pocket World in Figures («Әлем сандарда») жылнамасын шығарып тұрады.
Соңғы жылдардағы басты өзгеріс — журналдың цифрлық трансформациясы болды. The Economist өзінің журналистік қызметін интернетте, мобильді қосымшасында, сондай-ақ подкасттар, фильмдер, интерактивті инфографика және әлеуметтік желілер форматында кеңейтті. Economist Education бөлімшесі басшыларға арналған онлайн-курстарды іске қосты.
Дереккөздер: