Берік Асылов (1964 жылы туған)
Берік Асылов
Дереккөз: Gov.kz
Берік Ноғайұлы Асылов 1964 жылдың 28 ақпанында Қазақ КСР Жамбыл облысы Мойынқұм ауданы Бірлік ауылында (қазіргі Қазақстан Республикасы) дүниеге келді. 1991 жылы Сергей Киров атындағы Қазақ мемлекеттік университетін (қазіргі Әл – Фараби атындағы Қазақ ұлттық университетін) Құқықтану мамандығы бойынша бітірді. Еңбек жолын Алматы қаласы Алатау ауданы прокуратурасының тағылымдамашысы ретінде бастады, содан кейін Қазақстанның Бас прокуратурасында аса маңызды істер бойынша тергеуші, аға тергеуші болып жұмыс істеді.
Әр жылдары Алматы авиациялық көлік прокурорының орынбасары, Шымкент қаласының прокуроры, Оңтүстік Қазақстан облысы прокурорының орынбасары және бірінші орынбасары қызметтерін атқарды. 2006 жылдан 2008 жылға дейін Батыс өңірлік көлік прокуроры, 2008 жылдан 2010 жылға дейін Ақтөбе облысының прокуроры ретінде еңбек етті.
2010-2011 жылдары – Қазақстан Бас прокурорының орынбасары, 2011-2017 жылдары-Алматы қаласының прокуроры, 2017-2019 жылдары-Солтүстік Қазақстан облысының прокуроры. 2019 жылғы наурыздан бастап Бас Прокурордың бірінші орынбасары, ал 2022 жылғы 3 наурызынан бастап Қазақстан Республикасының Бас прокурорының лауазымында болды.
Әділет аға кеңесшісі атағына ие және «Қазақстан Конституциясына 10 жыл», «Ерен еңбегі үшін», «Астананың 10 жылы» медальдарын қоса алғанда, бірқатар мемлекеттік наградаларға ие. Қазақстан Президенті жанындағы Адам құқықтары жөніндегі комиссияның мүшесі болып табылады. Өз қызметінің сипаты бойынша елдегі маңызды қоғамдық-саяси оқиғалардың мән-жайларын тергеуге жетекшілік етті.
Дереккөздер:
әл Фараби атындағы Қазақ ұлттық университеті