Внуково (әуежай)
Внуково – федералдық маңызы бар халықаралық әуежай, Мәскеу мен Мәскеу облысындағы төрт негізгі әуежайдың бірі. Ресей астанасындағы ең көне және қала шегінде орналасқан жалғыз әуежай. 1941 жылы 2 шілдеде ашылды.
«Внуково» әуежайы
Елдің өмірі, авиациясы және тағдыры туралы Сайт
Ашылғаннан бері КСРО мен Ресейдің жоғары лауазымды тұлғаларының, сондай-ақ елге келген шет мемлекеттер мен үкіметтердің басшыларының әуе кемелерін қабылдау құқығы берілді.
«Внуково» әуежайы
Дереккөз: Внуково әуежайының сайты
Мәскеу айналма жолынан оңтүстік-батысқа қарай он шақырым жерде орналасқан. Шереметьево мен Домодедоводан кейін бір жыл ішінде қызмет көрсетілген жолаушылар саны бойынша Ресейде үшінші орында.
Негізінен Ресей бойынша рейстерге, «Аэрофлот» тобының авиакомпанияларының төмен бюджеттік және чартерлік рейстеріне, Еуропа мен ТМД шегінде халықаралық рейстерге қызмет көрсетеді.
1961 жылы 14 сәуірде Внуковоға «Байқоңыр» ғарыш айлағынан Жердің алғашқы ғарышкері Юрий Гагарин ұшып келді. Внуководағы ғарышкерлердің салтанатты кездесулері дәстүрге айналды. Мұнда барлық дерлік ғарыштық экипаждар келді, соның ішінде алғашқы әйел ғарышкер Валентина Терешкова мен ашық ғарышқа шыққан алғашқы адам Алексей Леонов.
2003 жылғы 18 қарашада Ресей Федерациясының Президенті Владимир Путин «Федералдық меншіктегі «Внуково әуежайы» ААҚ акцияларын Мәскеу қаласының меншігіне беру туралы» Жарлыққа қол қойды. Бұл қадам Внуково әуежайындағы қайта құру жұмыстарының қазіргі кезеңінің бастамасы болды.
Ауқымды қайта құрудың маңызды кезеңі 2012 жылдың желтоқсанында жолаушыларға арналған А терминалының құрылысы мен пайдалануға берілуі болды. Оның құрылыс жобасы «Брюссель — Эврика 2006» инновациялар, ғылыми зерттеулер және жаңа технологиялар дүниежүзілік салонының алтын медалімен марапатталды.
2014 жылы терминал «Зодчество» халықаралық фестивалінде «Хрустальный Дедал» жүлдесін алды, ал 2015 жылы «Золотое сечение» байқауының жеңімпазы және Гран-при иегері атанды.
Жалпы ауданы 270 мың шаршы метр және жылына 35 миллион жолаушыға дейін өткізе алатын Внуково әуежайының жаңа А жолаушылар терминалын іске қосу ірі халықаралық әуе тасымалдаушыларын тартуға мүмкіндік берді, бұл кәсіпорынның өндірістік көрсеткіштерінің айтарлықтай өсуіне әкелді.
Внуково әуежайында планетаның алғашқы ғарышкері Юрий Гагариннің салтанатты кездесуі. 14 сәуір 1961
Дереккөз: Внуково әуежайының сайты
Қазіргі уақытта Внуково халықаралық әуежайы үш кешеннен тұрады. «Внуково-1» негізгі жолаушылар кешені «A», «B» және «D» терминалдарынан тұрады. 
«Внуково-1» әуежайы
Дереккөз: Внуково әуежайының сайты
«Внуково-2» кешені Ресейдің жоғары басшыларының, оның ішінде Президент пен Үкімет төрағасының, сондай-ақ басқа елдердің басшыларының арнайы рейстеріне қызмет көрсету үшін қолданылады.
«Внуково-2» әуежайы
Дереккөз: АВИАФОТО
2018 жылы бүкілресейлік «Ресейдің ұлы есімдері» байқауының қорытындысы бойынша Внуково әуежайына кеңестік ғалым және авиаконструктор Андрей Николаевич Туполевтің есімі берілді.
ACI Europe-дің 2021 жылғы мәліметтері бойынша, Внуково әуежайы жолаушылар ағынының ең жоғары деңгейімен Еуропаның үздік 5 әуе айлағына кірді. Сол жылы Внуково халықаралық әуежайы жыл сайын 10-25 миллион жолаушыға қызмет көрсететін көлік торабы ретінде «Еуропаның үздік әуежайы» номинациясы бойынша ACI Europe Best Airport Awards сыйлығын жеңіп алған алғашқы ресейлік әуежай болды.
«Внуково» әуежайы
Дереккөз: Внуково әуежайының сайты
Аэропорт үш жолаушылар терминалынан және «Внуково-Карго» жүк терминалынан тұрады. Негізгі жолаушылар кешені «Внуково-1» «A», «B» және «D» терминалдарынан құралған.
«Внуково-2» кешені Ресейдің (президент пен Үкімет төрағасын қоса алғанда) және басқа елдердің жоғары лауазымды басшыларының арнайы рейстеріне қызмет көрсету үшін пайдаланылады.
Әуежайға IATA-ның классификациясы бойынша үшінші (ең жоғары) үйлестіру деңгейі берілген.
Дереккөздер:
Внуково халықаралық әуежайы