КСРО Мемлекеттік сыйлығы

КСРО Мемлекеттік сыйлығы – 1966 жылы құрылған жыл сайынғы мемлекеттік сыйлық. Ол ғылым мен техника, әдебиет, өнер және сәулет саласындағы ерекше жетістіктері үшін және еңбектегі ерекше жеңістері үшін марапатталды.  


«КСРО Мемлекеттік сыйлығының лауреаты» Құрмет белгісі 
Дереккөз: Музеи Беларуси

Сыйлық лауреаттарына «КСРО Мемлекеттік сыйлығының лауреаты»  Құрмет белгісі және КСРО Мемлекеттік сыйлығының лауреаты дипломы берілді. 
Сыйлық ҚК КО және КСРО Министрлер Кеңесінің 1966 жылғы 9 қыркүйектегі № 739 «Ғылым мен техника, әдебиет пен өнер саласындағы Лениндік және КСРО Мемлекеттік сыйлықтары туралы» қаулысымен тағайындалды.
1941-1955 жылдары берілген Сталиндік сыйлықтың лауреаттары өздерінің медальдары мен құжаттарын Мемлекеттік сыйлықтың тиісті атрибуттарына айырбастай алатын. 1960-1980 жылдары КСРО-да шыққан анықтамалық әдебиеттерде саяси себептерге байланысты Сталиндік сыйлықтың өзі де «КСРО Мемлекеттік сыйлығы» деп аталды; «Мемлекеттік сыйлықтың лауреаты, 1949 жыл» деген сияқты көрсеткіштердің астарында да осы сыйлық тұр.
Жыл сайын 100-ге жуық адам Мемлекеттік сыйлықтардың лауреаттары атанды. Мемлекеттік сыйлық 1967 жылдан 1991 жылға дейін берілді. Сыйлықты тағайындау кезінде оның мөлшері 5 мың рубльді құрады (салыстыру үшін – Ленин сыйлығы 10 мың рубльді құрады). Ресми түрде, осы кезеңде КСРО-да орташа жалақы шамамен 80 рубль болатын. Сыйлықтың мөлшері «Волга» автокөлігінің (5 600 рубль) немесе Мәскеудің жатын аудандарындағы кооператив үйіндегі бір бөлмелі пәтердің құнымен салыстырылды.
Одақтас республикаларда салалық республикалық мемлекеттік сыйлықтар, мысалы, архитектура саласындағы РСФСР Мемлекеттік сыйлығы тағайындалды.

Дереккөздер:
Үлкен Ресей энциклопедиясы 2004 – 2017 
Рувики