"Абай мұрасы - ұрпаққа аманат" Республикалық бейнероликтер байқауы
Байқау өткізу мерзімі: 23.12.2024 – 23.01.2025
«El Umiti» Премиясы Республикалық бейнероликтер байқауын жариялайды!
Байқаудың мақсаты – жастар арасында Абай Құнанбайұлының шығармашылығын насихаттау, қазақ халқының әдеби мұрасына қызығушылықты арттыру, қатысушылардың оқу мәдениеті мен шешендік өнер деңгейін көтеру, сондай-ақ ұлттық құндылықтарды нығайту.
Қатысу шарттары:
Көрсетілген мерзім ішінде қатысушылар төмендегі талаптарды орындауы қажет:
- Абай Құнанбайұлының кез келген шығармасынан (өлең, проза үзіндісі немесе «Қара сөздерден») бір туындыны таңдап, оны жатқа оқу;
- Қатысушы бейнероликте шығарманы мәнерлеп, эмоциямен және дұрыс интонациямен оқу керек;
- Видеожазба келесі талаптарға сай болуы тиіс:
- Дыбысы анық, бейнесі сапалы болуы қажет;
- Ұзақтығы 1–3 минуттан аспауы тиіс;
- Видео кем дегенде 3 метр қашықтықтан түсірілуі қажет;
- Креативтілік құпталады — ерекше идея, монтаж және орындау тәсілдері жоғары бағаланады;
- Видеороликті Instagram, YouTube немесе TikTok платформаларындағы жеке парақшаға #Елүміті_премиясы2025 хэштегімен жариялау қажет.
Қатысу үшін өтінімді (қосымшаға сәйкес) және бейнероликке сілтемені contest@el-umiti.kz электрондық поштасына жолдау қажет.
Байқау тақырыбына сай келмейтін, сондай-ақ жеке және заңды тұлғалардың абыройы мен қадір-қасиетіне нұқсан келтіретін бейнероликтер қабылданбайды.
Байқау нәтижелері 2025 жылдың 28 қаңтарында https://elumiti.kz/ сайтында және ұйымдастырушының Instagram парақшасында — @el_umiti.kz жарияланады.